• +599 9 434 7355
    www.kasdikultura.cw
    info@kasdikultura.cw
  •   

     

     

    Willemstad,  dia 27 di mart, Fundashon Kas di Kultura Kòrsou, ta selebra Dia Mundial di Teater ku henter pueblo di Kòrsou na Zona Kultural Kòrsou.

     

    Entre 8or’ di mainta i mitar di 1 di mèrdia lo tin tayer di Poppenkast, Aktuashon,  Moveshon, Teater di Maskarada, Teater Rítmiko i Konta Kuenta. Despues di e tayernan lo tin presentashon di grupo Kishikishi titulá “ E kètsnan blet di Ket”. Spesial pa nos mucha/hóbennan ku lo tin fakansi.

    E mainta ta pa muchanan te ku 15 aña i ta kosta Naf 5,- pa persona.

     

    Di 2 or’ di atardi pa mitar di 7 di anochi lo tin tayer di Poppenkast, Aktuashon, Moveshon, Skibimentu, Dramatical Reading i Konta Kuenta. Despues di e tayernan lo tin presentashon di Decameronen di Teater Kadaken  i lo tin presentashon di For You, Pour Vous su dramatical Reading skibi pa Hubert Penza i dirigí pa Eduard Reineta,ganadó di Historia Nobo 2016. E sekshon aki ta pa tur hende riba 16 aña i ta kosta Naf 10,-.

     

    Durante di e tayernan lo por inskribí pa partisipá na Historia Nobo 2018. Historia Nobo ta un proyekto ku ta guia bo pa skibi bo propio historia. E historianan produsí lo partisipá den un kompetensha di  “Dramatical Reading” i e historia ganadó lo keda transformá den un obra teatral.

     

    Mitar di 7, lo tin un homenahe na Sr. Antony Jamanica ku ta kumpli 40 aña den mundu teatral di Kòrsou.

     

    Pa finalisá e anochi lo tin presentashon di e tremendo komedia, “Mi yama sinta mira” di grupo Pro Arte, skibi i dirihí p

     

    a Sr. Roland “Pachi” Damon.

    Funshon ta kumisa mitar di 8 i e preis spesial pa dia Mundial di Teater lo ta Ang. 20,- pa persona, optenibel na takia di Zona Kultural Kòrsou.

     

    Un dia karga ku diferente aktividat relashona ku e mundu di teater pa chiki i grandi.

     

    Bin selebrá Dia Mundial di Teater 2018ku nos.

    Fundashon Kas di Kultura Kòrsou ta invitá bo.

    Pa inskripshon i informashon por chek www.kasdikultura.cw, por pasa personal òf yama Zona Kultural Kòrsou na 462-2209 entre 13 i 22 di mart 2018.

    Kapasidat ta limitá i esun ku yega prome ta bebe awa limpi, soru pa bo aden.

    Formulario di Inskripshon Dia Mundial Di Teater

     

     

    admin

    Author admin

    More posts by admin

    Leave a Reply