E ophetivonan di Kas di Kultura konforme statuto ta:

Investigá, identifiká i dokumentá aspekto i situashonnan kultural edukativo i hasi nan aksesibel pa públiko;
Promové un enfoke integral di kultura i edukashon kultural, salí di Gobièrnu di Kòrsou;
Sòru pa formashon di kuadro i profeshonalisashon di esnan aktivo riba tereno di kultura;
Stimulá inisiativa partikular dunando sosten finansiero insidental a base di kriterio pre-defini
Organisá i/òf sostené organisashon di aktividatnan artístiko kultural na kua pueblo por partisipá di forma aktivo i/òf pasivo.

Organisashon

Kas di Kultura ta konsiente ku kultura ta e lubrikante den e retonan ku nos ta
enfrentá den nos pais: kalidat di bida, empleo, desaroyo ekonómiko, sostenibilidat i mantenshon di nos patrimonio. Imaginashon a traves di nos
Kultura i Arte ta hasi horizonte leu visibel, i asina krea konfiansa pa realisá un mihó futuro. Pa e motibu aki nos ta determina pa hasi tur loke ta posibel pa
realisá e ophetivonan ku nos a fiha.