• +599 9 434 7355
    www.kasdikultura.cw
    info@kasdikultura.cw
  • Komunikado di Prensa

    By August 21, 2018Notisia

    Komunikado di Prensa

    Siman di Kultura 2018, dediká na ‘Prins Bernhard Cultuurfonds Caribisch Gebied’

    Riba dia 7 di ougùstùs 2018 ‘Prins Bernhard Cultuurfonds Caribisch Gebied’, ta kumpli 65 aña di eksistensia. Pa e motibu aki Kas di Kultura ta dediká Siman di Kultura 2018 na ‘Prins Bernhard Cultuurfonds Caribisch Gebied’. Kas di Kultura ta hasi uzo di e oportunidat pa felisitá ‘Prins Bernhard Cultuurfonds Caribisch Gebied’ ku nan aniversario.

    Siman di Kultura ta tuma lugá di 23 di sèptèmber te ku 30 di sèptèmber 2018.

    E lema pa Siman di Kultura 2018 ta: Kultura ta Hasi Bida mas Bunita.

    Esaki ta e bunita lema di ‘Prins Bernhard Cultuurfonds Caribisch Gebied’, ku nos ta adoptá pa Siman di Kultura 2018.

    Meta di Siman di Kultura ta entre otro:

    o Promové i stimulá kreatividat i kultura di Kòrsou
    o Pone atenshon dirigí riba diferente forma di manifestashon di kultura di Kòrsou
    o Pone atenshon na kultura di Pasado, Presente i Futuro
    o Stimulá i Apoyá kultura di Kòrsou den seno familiar, bario, skol, organisashon i artista pa organisá evento kultural
    artístiko
    o Konosé i rekonosé sitio históriko di bario komo patrimonio nashonal
    o Rebibá e sinergia den i entre barionan di Kòrsou
    o Promové kontakto entre generashonnan den bario
    o Mobilisá hinter komunidat pa partisipá i asistí na diferente evento i aktividat kultural
    o Promové union bou di tur suidadano

    E aña aki Kas di Kultura ta bolbe reta bo pa ta proaktivo i kreativo. Nos ke organisá Siman di Kultura den estrecho koperashon ku abo ku ta vibra di ideanan.

    Pa e motibu aki Kas di Kultura ta hasi un yamada na tur famia, bario, skol, prensa, empresa, instituto, grupo kultural i artista, pa pensa aktividatnan pa organisá durante Siman di Kultura, parti mainta, parti atardi i tambe anochi.

    Pa mas informashon por tuma kontakto ku Ingelor Keller na number di telefòn 4347317.

    Siman di Kultura mester di bo aporte. Ban forma un union rondó di Siman di Kultura p’asina huntu nos organisá un eksitoso Siman di Kultura.

    Kultura ta e motor pa desaroyo duradero.

    Nota pa redakshon (no pa publikashon). Pa mas informashon, por fabor tuma kontakto ku Ingelor Keller na telefòn 4347317 òf 6767870.

    admin

    Author admin

    More posts by admin

    Leave a Reply