Informashon pa públiko

Kas di Kultura semper a boga pa un relashon di porta habrí pa tur ku kier aserk’é pa yudansa i informashon. En espesial mucha i hóbennan. Kada aña mas i mas persona, en espesial hóben ta bin  Kas di Kultura pa buska informashon. E desaroyo probablemente tin di haber ku e siguiente desaroyonan:

En general e interes bou di pueblo i sigur hóbennan pa nos kultura a subi.

Skolnan dosentenan ta poniendo mas atenshon na nos kultura i ta inkluyendo esaki mas tantu den lèsnan i tareanan ku nan ta duna nan studiantenan

Kas di Kultura ta kada bes mas konosí bou di pueblo di Kòrsou

Rekonosimentu di otro instanshanan komo un lugá kaminda bo por haña informashon.

Kas di Kultura tin un biblioteka i archivo chikitu ku kua e ta purba sisti komunidat di Kòrsou ku mas informashon posibel. Un i tur ta bonbiní pa pasa Kas di Kultura, Scharlooweg 29, i buska informashon tokante nos kultura pa por ehèmpel un tarea di skol, investigashon òf otro proyekto.

Tambe por tuma kontakto ku sra. Schorea na 4347329, manda mail na schoreac@kasdikultura.cw  òf  info@kasdikultura.cw na Kas di Kultura òf manda un  mensahe via e página di facebook Fundashon kas di Kultura Kòrsou.