Historia i Akomodashon

Kas di Kultura ta un fundashon di gobièrnu di Kòrsou lantá dia 22 di febrüari na aña 2002, pero ofisialmente Kas di Kultura a habri su ofisina dia 1 di mei 2002.

Kas di Kultura tin un tarea fiho preskribí pa gobièrnu ku ta ehekushon di e maneho di Kultura di Kòrsou.

Kas di Kultura ta konsistí di e ofisina prinsipal situá na Sharlooweg 29, Museo Tula situá na Landhuis Kenepa i Zona Kultural ku ta akapará Teatro Luna blou i La Tentashon situá na Havenstraat 2-4.