Fecha & Tema di Siman di Kultura 2018

Di 23 sèptèmber te ku 30 sèptèmber próksimo, Kas di Kultura ta organisá pa di 14 aña un siman kaminda kultura di Kòrsou ta brota for di tur skina di Kòrsou.

E aña aki lo tin un kolaborashon mashá speshal ku ‘Prins Bernhard Cultuurfonds Caribisch Gebied’,esaki den kuardro di nan 65 aña di eksistensia.

Durante di Siman di Kultura tantu Gobièrnu di Kòrsou, Kas di Kultura i ‘Prins Bernhard Cultuurfonds Caribisch Gebied’ ta motivá pueblo pa huntu nos elaborá riba e 6 temanan di Kultura i Arte ku tambe ta keda uzá pa  ‘Prins Bernhard Cultuurfonds Caribisch Gebied’. E meta pa ku esaki ta, pa laga pueblo eksplorá e áreanan, haña mas informashon riba esakinan i tambe disfrutá di e Kultura riku di nos isla.

E diferente áreanan ta:

  • Historia i literatura
  • Arteplástiko
  • Arte eséniko
  • Edukashon Kultural i Arte
  • Konservashon di Naturalesa
  • Kuido pa monumentonan