Programa di radio BENTA

Benta ta e programa radial di Kas di Kultura. Na desèmber 2003 a kuminsá ku e programa aki ku e meta pa informá i eduká nos pueblo riba temanan ku tin keber ku aspektonan di kultura di Kòrsou.

Kas di Kultura a skohe e nòmber Benta pa e programa, pasombra nos ke konservá i protehá nos herensia kultural. Benta ta un instrumento típiko di nos kultura. E ta pertenesé na nos herensia kultura musikal i ta uz’é prinsipalmente den Muzik di Zumbi. E músika instrumental ku ta surgi for di un Benta ta inkonfundibel. E ta deskribí bo sintimentu i ta papia kubo.

Kas di Kultura ta kere firmemente ku un pueblo sano, ta un pueblo ku ta bon informá i eduká. Ku e programa Benta, Kas di Kultura ta duna su aporte pa yuda krea e yu di Kòrsou ku tin konfiansa den su mes i un identidat fuerte.

Grabashon di e programa Benta ta tuma lugá den studio di Kas di Kultura. Den pasado a yega di graba tambe na Radio Hoyer.

Kontenido di e programa ta varia. E ta konsistí di diferente entrevista ku diferente tópiko ku e aspekto kultural edukativo. Tambe tin espasio pa aktividatnan kultural. E grupo di enfoke ta hóben, adulto i hende grandi.

Progama Benta

Skucha ripitishon progama Benta

https://soundcloud.com/user-379513101/grupo-jag-shurendy-pieternella-informashon-di-karnaval-k2018